50 قناه على اليوتيوب لا غنى عنهم
ساعة يوميًا على اليوتيوب هتفرق معاك كتير وهتغير شخصيتك كلها للأفضل.
عشان كده جمعنالك هنا افضل 50 قناه نبدأ بيهم
خدلك لفه فيهم كده ونقي القنوات اللي ممكن تفيدك وتابعها ومش هتندم والله .
1- The School of life
القناه دي افيد حاجه بالنسبه لي علي اليوتيوب خش قلب في ال playlistst واوعدك هتنسي البوست اصلا وانت عايش جوا القناه هتلاقي فيها فيديوهات عن الفن , الاقتصاد , الفلسفه , تاريخ و كوميديا كل شئ تقريبا الجميل فيها بقي طريقة التقديم علي شكل شخصيات كرتونيه وكل فيديو 5 – 10 دقائق هيطلعك بكام معلومه جديده حتما .
2- Vsauce
شاب اسمه Michael Stevens بيتابعه 12 مليون شخص بسبب المحتوي العلمي العظيم اللي بيقدمه الحلقات بدايتها بتبقي سؤال علمي شائع ونمشي طول الحلقه مع السؤال واجابته بيقدمهالك في النهايه بطريقه جميله وعلميه .
3 – Vsauce 2
قناه لطيفه بيقدم فيها Kevin Lieber محتوي علمي غريب وحلو , تكنولوجيا افضل حاجه اسلوبه هيشدك ومش هيحسسك بمرور الوقت .
4- Vsauce 3
بيقدم فيها Jake Roper اسئله علميه وبيجاوب عليها بطريقه مسليه جدا افضل حاجه في مجموعة قنوات Vsauce بجانب المحتوي العظيم اللي بيختاروه في كل مره هو طريقة التقديم .
5- Ted-Ed
القناه دي الواحد لو فضل يتكلم عنها ساعه الكلام عنها مش هيخلص هتشوف فيها محتوي علمي رائع بدون الحاجه للبحث وراءه واسئله جميله والتقديم برضه حاجه عظيمه علي شكل شخصيات كرتونيه .
6- Crash-Course
أقول ايه مدحا في القناه دي ؟ حقيقي الكلام كتير اوي والله القناه دي وحدها كنز اليوتيوب اصلا الفيديو مدته 10 – 15 دقيقه بالكتير بس هتاخد فيه جرعه علميه كبيره علي حسب التخصص اللي حابب تدرسه فيها هي تقريبا بتقدم كل شئ بتقدم كورسات في علم النفس , الأحياء , الكيمياء , الفيزياء , تاريخ , اقتصاد , فلسفه , علم اجتماع , فن , تقريبا اي شئ عايز تكتسب عنه معرفه هتلاقيه هنا .
7- Smarter EveryDay
محتوي علمي رائع ومش فاهم ليه كل مره لازم يبقي جديد تقريبا مفيش معلومه اتذكرت في اي فيديو شفته علي القناه دي غير وكانت جديده .
8- Asap Science
هو فعلا الولاد اذكي من البنات ؟ خش شوف الفيديو ده ولف لفه في باقي فيديوهات القناه جميعها بتدور حول اسئله بتشغلنا واجابتها العلميه بكل بساطه وجمال قناه عظيمه فعلا .
9- Minute physics
قناه خيال لمحبي الفيزياء الفيديو لا يتعدي دقيقتين بس هيجاوبلك علي شئ بيشغلك كتير او شرح لنظريه فيزيائيه ما كل ده في دقيقه او دقيقتين !
10- Veritasium
القناه دي احد اروع قنوات المجموعه دي … شاب جميل مفعم بالنشاط والشغف بيقدملك محتوي علمي وتعليمي وبعض المواضيع الشيقه بإسلوب رائع .
11- Kurzgesagt – In a Nutshell
قناه جميله بتقدم محتوي علمي ممتاز وإجابات لتساؤلات كتير شائعه بشكل علمي كل ده في كام دقيقه .
بيقدم في القناه دي Hank Green موضوعات علميه عظيمه في أقل وقت ممكن وبطريقة تقديم ممتازه مستحيل تحسسك بملل علي فكره هو احد الاخوين القائمين علي قناة Crash Course اللي محطوطه فوق .
13- BrainCraft
البنت الأولي معانا النهارده اللي بتقدم محتوي علمي ممتاز بإيجاز جدا وبدون ملل .
14- Physics Girl
البنوته التانيه اللي مهمتها هي الفيزياء انا من الناس اللي كنت غبي بعدم اهتمامي لفتره كبيره بالفرع العظيم ده من العلوم بس القناه دي اللي حببتني في الفيزياء اسلوبها عظيييم .
15- It’s Okay To Be Smart
مجموعة اسئله غريبه في كتير بيفكروا فيها هياخدك Joe Hanson مع كل فيديو في رحله موجزه للإجابه علي التساؤلات دي بطريقه جميله وشيقه .
16- Big Think
قناه عظيمه بتقدم محتوي معرفي جميل جدا ومتنوع مع كل فيديو في كام معلومه جديده هتكتسبهم .
17- Nat Geo Abu Dhabi
غنيه عن التعريف اعتقد هتلاقي هنا مجموعة وثائقيات عظيمه عظيمه عظيمه لو كل يوم حاولت تشوف واحد تخيل بعد شهر فقط قدر المعلومات اللي هتكتسبها من القناه دي بس !
19- Space Videos
محبي الفضاء هنا هتلاقي اغلب المستجدات الخاصه بالفضاء وشرح بعض الظواهر
20- Animal Planet
قناه مهتمه بالحيوانات بتقدملك معلومات عن حيوانات معينه في كل فيديو في مده قليله جدا واسئله عن الحيوانات
واجاباتها .
21- Seeker
فيديوهات عن الابتكارات والتطور التكنولوجي قناه تستحق مشاهدة فيديوهاتهاه جدا جدا .
24- Minute Earth
قناه عظيمه بتقدم محتوي يخص كوكبنا وطريقة السرد والتقديم عظيمه في فيديوهات كام دقيقه .
25- CGP Grey
قناه رائعه بتقدم محتوي فريد وعظيم والتقديم نظام كرتوني يجذبك للمشاهده
26- Second Thought
محتوي متنوع ايضا يشمل التاريخ والاقتصاد والفضاء والسياسه قناه حلوه جدا .
29- Deep Astronomy
محبي الفضاء القناه دي تحفه والله هتفهم منها حاجات كتير جدا جدا عن الفضاء واغلب الاكتشافات الخاصه بالفضاء هتلاقيها هنا
30- Ridddle
اسئله علميه شيقه واغلبها عن الكون واجابتها في فيديوهات لا تتعدي ال 10 دقائق
32- Interactive Biology
الراجل الجميل ده هيحولك الأحياء من مادة ثانويه عامه بتحفظ فيها عشان المجموع لأحد اجمل العلوم وهتبقي مستمتع جدا وانت بتتفرج علي النوع ده وطريقته في التقديم كوميديه عظيمه مش هتحس بالملل ثانيه واحده .
33- Numberphile
انسي بقي شرح مدرسين الرياضيات اللي تعرفهم خالص وتعالي شوف جمال الماده دي مع الراجل الجميل ده
تساؤلات شائعه جدا هتلاقي اجابتها هنا في كل المجالات تقريبا تاريخ وجغرافيا وعلوم واقتصاد بطريقه سلسه وجميله احد اجمل القنوات اللي في المجموعه دي
35- Techno Buffalo
تكنولوجيا قناه لطيفه ومفيده اوي للناس اللي حابه تفهم اكتر عن التكنولوجيا المحيطه بيها زي الموبايل اللي جنبك مثلا
نشوف شوية قنوات عربيه بقي وبتقدم محتوي مميز جدا برضه :
احمد الغندور بيقدم محتوي رائع بإسلوب ممتع جداااا صعب تشعر بالملل في اي حلقه من حلقاته .
-37 إيجيكولوجي
احمد سمير بيقدم فيها محتوي علمي مميز جدا وشيق وإسلوبه هيجذبك وهيجبرك تكمل اي فيديو فتحته وانت مستمتع
– 38 الإسبتاليه
إيمان الإمام بتقدم محتوي طبي جميل ومميز وموضوعاتها شيقه جدا
39 – إسلوب
قناه عظيمه جدا محتوي علمي متنوع وشيق بيتقدم بإسلوب رائع من افضل القنوات العربيه اللي قابلتها
40- العقل زينه
بيقدم فيها الشاب الفلسطيني سائد الدزدار محتوي اجتماعي كويس جدا بإسلوب حلو جدا .
41- لم أكن اعلم
محتوي علمي متنوع وشيق جدا بإسلوب سلس وجميل ومده زمنيه قليله جدا جدا
نشوف بقي بعض القنوات اللي هتفيدك في تعلم اللغه الإنجليزيه جدا نبدأ بالعربي
42- Ihab Ramzi
الراجل ده عظيم والله هيفيدك جدا جدا جدا في اللغه واسلوبه ممتع وكوميدي جدا
44- Michael Youssef
القناه مش هتفيدك كتير لإنه مش نشط اوي فيها لكن اكونته علي الفيس بوك هيفيدك بقدر لا تتخيله راجل جميل ومن اكتر الناس اللي بتساعد في موضوع اللغه دي بدون اي مقابل فقط لأجل المساعده , تابعوا الاكونت Michael Youssef
القنوات الاجنبيه المتعلقه باللغه :
45 – JenniferESL
القناه دي عظيمه عظيمه عظيمه فيها مجموعة Playlists هتمشي معاك من البدايه خالص الي افضل المستويات
تعليقات
إرسال تعليق